استانبولدا بیر قادین/ علی اصغر حقدار
قارشیداکی ساحیله بیر گؤز آتیرام. استانبول ساحلینی تهرانین داغ‌اتکلری و تبریزین کوچه‌باغی ایله ذهنیمی قاتیب قاریشدیریر؛ پاییز اؤزونو سره‌له‌ییب استانبولون طبیعتینده؛ استانبولون پاییزی، اوچ ایلدن سونرا؛ پاییز یئلی دنیزین سرینلیگینی اوزومه چیرپیر. گارسونو چاغیریب حسابی گتیرمه‌‌سینی ایستیرم. یان میزده بیر کیشینین پیچیلتییا بنزر سسینی ائشیدیرم، قارشیسینداکی قادینا «استانبولدا بیر قادین»-ین حیکایه‌سینی اوخویور. بو سئوگینین آچیقلاماسی یازماقلا قورتولماز. حسابی اؤده‌ییرم. جلدین اوزرینه باخیرام؛ ائله همن او آلا گؤزلر استانبولا باخیرلار؛ «استانبولدا بیر قادین» کیتابینی چانتاما قویوب رستوراندان چیخیب تقسیم میدانینا ساری یوللانیرام. استانبولدا بوتون یوللار تقسیم – ه چاتیر.
No comments:
Post a Comment